Par trikova za ravan stomak

Koliko vam se puta dogodilo da se ujutro gledate u ogledalo i sviđa vam se što vidite, a već poslijepodne ili naveče primjećujete kako vam stomak izgleda gotovo dvostruko veće?

Razlog nije debljanje preko noći već vaše dnevne navike koje izazivaju nadutost i podbulost, a time i vizuelno povećavaju stomak. Želite li u samo 6 dana smanjiti šlauf oko struka i uskočiti u omiljeni komad odjeće bez straha pridržavajte se ovih 6 pravila.

Smanjite unos soli
So jelu daje bogatiji ukus, no ovaj začin zadržava vodu u tijelu što uzrokuje osjećaj podbulosti, a time i povećava vaš stomak. Dakle, slane grickalice i brza hrana su tokom sljedeće nedelje zabranjeni.

Smanjite unos ugljenih hidrata
Bijeli hljeb za doručak i riža ili tjestenina za ručak mnogima su dio svakodnevne prehrane. No ove namirnice su prepune ugljenih hidrata te nijesu prijatelj vaše linije ni stomaka i zato ih izbacite iz prehrane.

Za doručak radije jedite hranu bogatu proteinima poput jaja i sira, a za ručak naglasak stavite na povrće ili, ako baš volite rižu, pripremite onu integralnu.

Zaboravite na mlijeko
Netolerancija na laktozu može izazvati probleme s probavom i snažan osjećaj nadutosti. Ako nijeste sigurni spadate li i vi u tu skupinu probajte barem na nedelju dana izbaciti mlijeko iz prehrane. Kafu obogatite sojinim ili bademovim mlijekom, a umjesto čaše mlijeka popijte tekući jogurt.

Birajte voće
Iako je voće zdravo, neki od ovih ukusnih plodova mogu izazvati nadutost. Jabuka, kruška ili dinja vrlo su ukusni plodovi, no teže ih je svariti pa mogu izazvati nadutost i gasove, a time naglasiti vaš stomak. Radije posegnite za citrusima poput limuna i narandže kao i bobičastom šumskom voću.

Recite ‘ne’ ljutim začinima
Ljuti začini podstiču izlučivanje želudačne kiseline što može izazvati nadut i tvrd stomak. Iako su oni zdravi, preskočite ih na nedelju dana, a radije posegnite za laganijim začinima poput bosiljka, origana, majčine dušice i sl.

Izbacite ŠAP
ŠAP je skraćenica za tri stvari koje vaše tijelo nikako ne voli. Šećer (rafinisani), alkohol i pržena hrana nisu prijatelji vaše linije i zato bi ih, ako želite ravan stomak, svakako trebali izbjegavati.

Sve od navedenoga uzrokuje nadutost, usporava probavu i ne pogoduje vašoj liniji i zato jedite pametno i uživajte u značajnim promjenama na vašem tijelu.

 (Zadovoljna)