GS U FINALU, ČEKA SE KLIVLEND
Golden stejt je na dominantan način došao do finala NBA lige – “ratnici” su i u četvrtom meču bili bolji od San Antonija, 129:115.
Samo u prvoj utakmici, San Antonio je bio ravnopravan rival “ratnicima”, ali od trenutka kada su ostali bez Kavaja Lenarda dileme oko pobjednika serije nije bilo.
Posljednji duel bio je lišen bilo kakve neizvjesnosti, jer su gosti konstatno imali docifrenu prednost, koja je sredinom treće četvrtine iznosila 22 poena razlike.
Stef Kari je bio najefikasniji sa 36 poena, imao je i šest asistencija i pet skokova. Kevin Durent je postigao 29 poena, uz 12 skokova, a Drejmond Grin 16 poena, te po osam skokova i asistencija.
Na drugoj strani, Kajl Anderson je imao 20 poena i šest skokova, Manu Đinobili, koji je možda odigrao svoju posljednju utakmicu, upisao je 15 poena i sedam asistencija.
Golden stejt sada čeka rivala u finalu.
Klivlend u finalnoj seriji Istoka vodi protiv Bostona 2-1, a četvrti meč je večeras u dva i po sada iza ponoći po našem vremenu.
(Vijesti)
