Stravičan udes dogodio se sinoć deset minuta prije ponoći na putu Podgorica-Bar u mjestu Vranjina u kom je jedna osoba teško povrijeđena, saznaje CdM.

    

Sudarili su se mercedes budvanskih tablica BD AZ 936 i autobus srbijanskih tablica autoprevoznika Lasta.

Vozač mercedesa je životno ugrožen.

“Sinoć je hitno operisan. U pitanju su teške povrede ruke i noge. Jutros je stabilan”, kazao je CdM-u direktor UC Nermin Abdić.

  

Autobus je bio pun putnika i išao je iz pravca Bara.

Nezvanično, u autobusu nema povrijeđenih.

 

Povrijeđenog vozača mercedesa je morala da vadi vatrogasna ekipa sa specijalnim alatima za rezanje metala.

Na ovom dijelu puta jutros se saobraća jednom trakom naizmjenično, pa je nastao saobraćajni kolaps, gdje su stvorene kilometarske kolone.

 www.cdm.me