OSMI DAN JAZZ FESTIVALA
Jedno od posljednjih večeri Petrovac Jazz festivala, osmo, proteklo je u znaku niškog benda Benny Brickmann.
Benny Brickman Band čini grupa mladih muzičara okupljena oko ideje da osim izvođena obrada Jazz, Blues, Soul i Funk standarda, što i dalje ostaje zaštitni znak – repertoar prošire i autorskim kompozicijama. No sinoć su se odlučili da “igraju na sigurno” i za neku narednu priliku ostave autorske kompozicije. Bogato iskustvo sticali su na nastupima na Jazz i Blues festivalima u zemlji i inostranstvu, a to su sinoć pokazali pažljivo birajući pjesme koje su razgalile publiku i natjerale ih da iskoriste plesni podijum kluba Castello i pokažu uz ritam kakva im je koordinacija pokreta.
Kako se i dalje izjašnjavaju kao “street bend” i da, pored nastupa na velikim festivalskim scenama, i dalje vole da nastupaju na ulicama i u klubovima, svoje umijeće pokazali su i na uličnom jazz sessionu, prije nekoliko večeri ispred spomen doma Crvena komuna. Osmo festivalsko veče završeno je uz još jedan Jam session muzičara okupljenih pod imenom Petrovac All Jazz Star.
Pretposljednji festivalski dan takođe će ljubiteljima džeza donijeti dobar koncert. Zbog kišnog vremena publika će ostati uskraćena za svirku ispred Crvene komune, dok će klubu Fort Castello nastupiti od 22 sata Nenad Bokun & Trojica trio.
