OPŠTA TUČA FUDBALERA NA VELIKOM TURSKOM DERBIJU: Vatru zapalio Kvarežma, i Tošić bio ratoboran
Fudbaleri Bešiktaša i Fenerbahčea odigrali su neriješeno 2:2 u spektakularnom istanbulskom derbiju.
Prvi meč polufinala Kupa Turske donio je mnogo uzbuđenja, tenzija, ali i lijepih poteza. Činjenica da se gledalo čak 10 minuta sudijske nadoknade dosta otkriva, a gosti su susret završili sa dva igrača manje, dok je Bešiktaš ostao bez Kvarežme. Na drugoj strani su isključeni Potuk i Demirel.
Domaći su poveli preko Negreda, ali je samo tri minuta kasnije Soldado poravnao. Već do odmora je Ozbajrakli preokrenuo.
Sve je djelovalo idealno za Fener, pošto je isključenjem Kvarežme bilo po deset igrača na terenu. Međutim Demirel je 13 minuta prije kraja dobio drugi žuti karton, a pet minuta kasnije Taliska je poravnao.
Revanš se igra 18. aprila.
