Home / NOVOSTI / Društvo / Ako ste bili Titov pionir, ova FOTO priča će vas rasplakati!
Titovi pioniri

Ako ste bili Titov pionir, ova FOTO priča će vas rasplakati!

Sjećate li se prvog dana u školi, vi koji ste rođeni šezdesetih, pedesetih i ranije?

Ja još čuvam plavu “titovku” sa petokrakom i crvenu maramu koju sam, kasnije, u izviđačima vezivao oko vrata raznim čvorovima.  I svakog 1. septembra, sjetim se da su negdje na dnu neke kašete, i pomislim kako ću ih dogodine naći i pokazati svojim klincima, koji više i nisu i jesu klinci.

Sjećam se da smo morali polagati zakletvu drugu Titu, i da je u njoj bilo nešto kao – čuvaćemo svoju domovinu Socijalističku federativnu rupubliku Jugoslaviju znanjem, ljepotom, dobrotom i svačim nečim. ZA DOMOVINU S TITOM – NAPRIJED!

I pitam se važi li to još uvijek, mislim, zakletva je zakletva?! Ali, obzirom da više nema ni Tita, a ni te domovine, jesmo li oslobođeni te zakletve?!

I mislim se, jebote, koliko je današnjim klincima lakše. Niti imaju zakletve, niti imaju titovke i crvene marame, niti moraju da se prže u bijelim košuljicama i plavim pantalonama, niti im starci kenjaju: Tito je sin naših naroda i narodnosti, Stari ovo, Stari ono…

Niti su im starci kenjali, kad je sve otišlo u p.m. i počelo krvavo da puca po šavovima, Tile je za ovo kriv. Nije mi bilo jasno kako je to Tile bio kriv, kad nije bio živ. I kako su to obrnuli ćurak kad je umro, kad su ga onako gotovili dok je bio živ.

Imao sam 10 kad je Stari otišao sa ovog svijeta i iz mog života.

Sjećam se, majka se prekrstila i zaplakala, a moj stari, major, prebečio je i otišao u kupatilo. Nije majka plakala zbog Tita, to sam kasnije ukapirao. A kasnije sam ukapirao i zašto su govorili da je Tito kriv, ali nikada nisam ukapirao zašto, poslije Tita, nije bilo moguće da imamo veliku domovinu i da živimo srećno, kao onda.

I zašto više nije bilo zakletve. I zašto danas klinci nemaju zakletvu. Recimo: ZA DOMOVINU S MILOM – NAPRIJED!

Ne znam. Mislim da sam glup. Jesam glup. Jer pametni nisu sada ovdje gdje sam ja. Zato što su pametni.

Umjesto priče, iskopao sam fotografija o tome kako je to nekad bilo, u slučaju da neki novi klinci požele da znaju kako su njihove babe i đedovi išli u prvi razred.

Ionako bi bilo teško objasniti njima da smo imali srećno djetinjstvo, a da nismo imali interent, ajfone i slične stvari. I uprkos činjenici da je Tito bio grozni diktator kojeg je, iz nekog nejasnog razloga, volio cio svijet.

R.Vračar

 

 

loading...

Komentariši

Vaša email adresa neće biti objavljivana. Neophodna polja su označena sa *

WP Twitter Auto Publish Powered By : XYZScripts.com