Jednostavan način da vas djeca poslušaju iz prve - Volim Podgoricu

Jednostavan način da vas djeca poslušaju iz prve

Savjeti koji će vam pomoći da vas dijete čuje već nakon što mu prvi put nešto kažete…

deca-pitanje-roditelji-1328585176-122138

Televizor ili svoje prijatelje čuju bez problema, ali kada im vi nešto govorite kao da pričate zidu? To je ono što zovemo selektivnim slušanjem i srećom, problem je koji relativno jednostavno možete riješiti.

Psiholog Mišel Borba nudi nekoliko savjeta koji će vam pomoći da vas dijete čuje već nakon što mu prvi put nešto kažete.

Prije svega, morate se pobrinuti da djetetu date dobar primjer i da sami budete dobri slušaoci i reagujete kada vam djeca nešto govore. Potom, obraćajte se djeci s poštovanjem.

Kada to usvojite, slijedite sljedeći model:

Prvo djeci privucite pažnju, a tek potom pričajte. Nekoj će djeci trebati upozorenje, posebno dječacima, kojima je puno teže preusmjeriti pažnju sa svoje igre na vas.

Još jedan vrlo praktičan savjet je da stišate glas, a ne da ga povisujete! Djeca nisu naviknuta da pričate smireno i nježno, stoga je vjerovatnije da će prije reagovati, tvrdi Borba.

Jednom kada pridobijete djetetovu pažnju, recite mu da vas gleda u oči. Neka vaša uputstva budu jasna i kratka – ponekad je dovoljna samo jedna riječ. ‘Pričajte manje, ne više’, savjetuje.

Na kraju, zamolite dijete da vam ponovi šta se rekli, kako biste znali da je shvatilo šta tražite od njega.

Još jedna važna stvar – kada učini ono što ste tražili, nagradite ga zagrljajem i riječima ohrabrenja. Tako ćete djeci pomoći da postanu srećna, zdrava i brižna!

 

(Izvor: net.hr)

Slične Objave

Back to top button
WP Twitter Auto Publish Powered By : XYZScripts.com