Košarkaši Klivlenda pobijedili su Golden Stejt 137:116 i smanjili su rezultat u velikom finalu NBA lige na 3:1.

Klivlend je odigrao fenomenalnu napadačku utakmicu, već u prvoj četvrtini prebacio je 50 poena, a u prvom poluvremenu dali su rekordnih 86 poena čime su nadmašili dosadašnji najbolji učinak na plej of utakmica koji je držao Dalas sa 83. Kada se pogleda ukupan broj poena poslije dvije četvrtine 154 i to je rekord kojim je nadamšen meč San Antonio – Denver iz 1983.

Klivlend je dao čak 24 trojke, na drugoj strani 11 pokušaja izvan linije 7.25 pogodili su gosti.

Irving je bio nezaustavljiv i ubacio je 40 poena uz sedam skokova. Lav je dodao 23 poena uz šest trojki. LeBron Džejms je opet pisao istoriju pošto je sa 31 poeonm, 10 skokova i 11 asistencija upisao deveti tripl dabl u velikim finalima čime je nadmašio Medžika Džonsona.

Djurant je bio odličan sa 35 poena, ali su Kari i Tompson zajedno ubacili 27 što je presudilo.

Meč je donio dosta nervoze, tehinčkih grešaka, Drejmond Grin je opet bio u centru pažnje u tim situacijama, a susret je okončao sa 16 poena i 14 skokova.

www.cdm.me