Evo ko je Amansio Ortega, najbogatiji čovjek na svijetu

Iako je španski biznismen prošle godine ponio titulu najbogatijeg čovjeka na svijetu, a nedavno se ponovo našao na samom vrhu liste, o njemu se jako malo zna.

Forbsova lista najbogatijih ljudi počinje njegovim imenom. Vlasnik kompanije “Zara” Amansio Ortega je “teži” od Bila Gejtsa za 200 miliona dolara, prenosi B92.

 

Uprkos ogromnom bogatstvu, mnogi nikada nisu čuli za njega. On je čovjek koji čuva svoju privatnost, rijetko je viđen u javnosti i tokom cijele svoje karijere dao je svega nekoliko intervjua. 

Njegova karijera je počela 1975. godine kada je sa tadašjnom suprugom Rozalijom osnovao Zaru. Njegova kompanija Inditex SA danas obuhvata Zaru, Massimo Dutti i Pull&Bear. 

 

Ortegino bogatstvo procijenjeno je na 85 milijardi dolara. Rođen je u mjestu Buzdongo de Arbas u Španiji u martu 1936. godine. Nakon razvoda od Rozario, 2001. godine oženio se sa Florom, koja je njegova druga supruga. 

U avgustu 2013. godine njegova bivša supruga i koosnivač Zare preminula je u 69. godini. Ona je bila najbogatija Španjolka. Iz prvog braka ima ćerku Martu. 

Sa sadašnjom suprugom živi u stambenoj zgradi u Korunji. Vojvotkinja od Kembridža veliki je fan Zare i vrlo često je fotografisana u njihovoj odjeći.

(Vijesti)