SUDAR DIVOVA: Vučević pogađao, Jokić proigravao (VIDEO) - Volim Podgoricu

SUDAR DIVOVA: Vučević pogađao, Jokić proigravao (VIDEO)

Orlando Medžik nije imao snage da u tzv. “back 2 back” utakmici (dvije utakmice za redom) slavi protiv ekipe Denver Nagetsa, ali su skupo “prodali kožu” i poklekli tek poslije produžetka. Tim iz Kolorada je na kraju slavio 124:118.

Duel je obilježio sudar dva centra, Nikole Vučevića i Nikole Jokića, i naš reprezentativac je uspio da nadigra popularnog “Džokera”.

Vučević je imao 24 poena, 15 skokova i 4 asistencije, dok je Jokiću ponovo bolje išlo razigravanje saigrača, pa je tako imao 12 poena, 8 skokova i 13 asistencija.

“Oni su stvarno uradili sve kako bi dobili utakmicu, i moram da kažem da smo na kraju imali malo sreće”, kazao je Majkl Meloun, trener Denvera.

Džamal Mari je bio šuterski najraspoloženiji od Nagetsa sa 31 poeom.  Plej Denvera je pogotovo bio dobar u produžetku.

Upravo produžetak je koštao pobjede “Magične”, koji su ga očajno šuterski otvorili, pa su Nagetsi brzo došli do 9:2.

Imali su bekovi Orlanda otvorene šuteve, ali šut je jednostavno stao.

Zbog toga iako su dobili, trener Nagetsa nije bio zadovoljan igrom.

“Trener je dobro rekao da smo imali sreće, i da se mogao vidjeti umor na igračima Orlanda. Iako smo dobili ovo je jedno od naših najgorih izdanja. Orlando je baš dobra ekipa, mislim da su najpodcjenjenija ekipa u cijeloj ligi”, kazao je Mari.

Orlando je tri četvrtine imao šut na 57 odsto da bi u posljednjoj četvrtini i produžetku ubacili samo 10 od 34.

Igrači tima sa Floride nisu bili zadovoljni ni suđenjem na ovom meču.

“Ovo je užasno i frustrirajuće. Oni su imali 37 bacanja mi samo osam. Kao tim se nikad ne žalimo na faulove, i čim krenemo dobijemo tehničku”, kazao je Evan Furnije.

Francuski košarkaš je upravo isključen nakon jedne takve situacije u produžetku, a meč je završio sa 26 poena.

Denveru je ovo sedma za redom pobjeda, i trenutno su najbolje plasirana ekipa Zapadne konferencije.

Vijesti

1 komentar

Slične Objave

Back to top button
WP Twitter Auto Publish Powered By : XYZScripts.com