Home / SPORT / Košarka / Milvoki poveo protiv Toronta

Milvoki poveo protiv Toronta

Iako su gubili veći dio meča, košarkaši Milvoki Baksa su sjajnom igrom u posljednjoj četvrtini uspjeli da nadoknade zaostatak i na kraju trijumfuju sa 108:100 protiv Toronto Raptorsa.

Čitavu utakmicu, djelovalo je kao da timu iz Viskonsina nije prijao produžen odmor nakon trijumfa nad Bostonom.

Raptorsi su održavali prednost tri četvrtine da bi onda košarkaši Milvokia jednostavno “eksplodirali” i posljednu dionicu dobili 32:17.

Bruk Lopez je u posljednjoj dionici ubacio 13 od svojih 29 poena (rekord karijere), a centrar Baksa je tome dodao i 11 skokova.

Janis Antetokunmpo je dao 24 poena imao 14 skokova, 6 asistencija i 3 blokade, dok je Kris Midlton bio treći igrač sa dabl dabl učinkom. Krilo Baksa je imao po 11 poena i skokova.

“Ako pogledamo ovu utakmicu, čini mi se da ona govori koji karakter imaju moji momci. Mislim da će da ćemo ako nastavimo sa ovakvom timskom igrom nastavljati da nam se dešavaju dobre stvari”, kazao je Majk Budenholzer, trener Baksa.

Svoj doprinos dali su i Malkolm Brogdon koji je dao 15, kao i Nikola Mirotić sa 13 poena.

“Ova utakmica nas je definitivno učinila boljima”, kazao je Antetokunmpo.

Kod Toronta Kavai Lenard je dao 31 poen, a konačno dobru partiju je pružio i Kajl Lauri koji je meč završio sa 30 poena.

Lauri je bio i jedini raspoloženi igrač Raptorsa u posljednjoj četvrtini sa pogođenih pet od sedam šuteva iz igre (ostatak tima 0 od 15).

“Ubila nas je ovakva posljednja četvrtina, totalno su nas u njoj nadigrali. Bili su agresivniji, pogodili neke bitne šuteve. Bezveze je kad izgubite na ovaj način a vodili ste cijelu utakmicu. Ali mislim da smo i mi nešto naučili, i da ćemo to već na iduću utakmicu da pokažemo”, kazao je Lauri.

Vijesti
loading...

Komentariši

Vaša email adresa neće biti objavljivana. Neophodna polja su označena sa *