TORONTO JE NOVI ŠAMPION!
Košarkaši Toronta su po prvi put u istoriji postali šampioni NBA lige.
Reptorsi su ponovo, čak treći put u nizu, bili bolji na gostovanju kod Golden Stejta (114-100) i sa 4-2 u finalnoj seriji došli do velikog podviga.
Kavaj Lenard se ponovo okitio titulom najkorisnijeg igrača finala, nakon što je to učinio u dresu San Antonija 2014. godine.
Reptorsi su čak postali i prva ekipa koja je u finalu tri puta u gostima uspjela da savlada aktuelnog šampiona.
Za Voriorse je posljednju utakmicu u Orakl areni obilježila još jedna teža povreda, nakon što je Klej Tompson dvoranu u finišu utakmice napustio uz pomoć štaka.
Voriorsi nisu mogli da računaju ni na Kevina Durenta, koji će zbog operacije ahilove tetive vjerovatno propustiti cijelu sljedeću sezonu.
Kajl Lauri je meč okončao sa 26 poena, uz sedam skokova i 10 asistencija, Paskal Sijakam je na isti broj poena dodao 10 skokova, Fred Vanflit je sa klupe imao 22 koša, baš kao i Lenard.
Tompson je u poraženom timu do povrede postigao 30 poena, Andre Igudala 22, Kari 21, a Drejmond Grin 11, uz 19 skokova i 13 asistencija.
Vijesti
