Na ovoj plaži je zabranjeno mokriti u moru, kazna do 750 eura - Volim Podgoricu

Na ovoj plaži je zabranjeno mokriti u moru, kazna do 750 eura

Svako malo se donose nova pravila i propisi o ponašanju u nekim turističkim destinacijama. Dojče Vele je napravio listu onih najbizarnijih.

Zabranjeno mokrenje

Dok se kupate u moru, ako vam je potreba i ako nema WC-a na plaži, malo ko će dva puta razmisliti hoće li “pustiti vodu”: ko će primijetiti tu doslovno kap u moru?

Ali oprez: mokrenje u moru u opštiini Lepe na jugoistoku Španjolske najstrože je zabranjeno još od 2012, piše Dojče Vele.

Kazna za to iznosi do 750 eura, iako nikome nije jasno kako bi se uopšte mogao utvrditi počinilac tog teškog prestupa.

Zabranjene kule od pijeska

Na plažama na ostrvu Tenerife mogu vas kayniti ako na plaži odlučite izgraditi “veću” kulu od pijeska ili figuru od istog materijala.

Zabrana je “iz estetskih razloga”, tumači se.

Sakrijte bicikl

Na valensijskim plažama ne samo da ne smijete nego i sve vrste prevoynih sredstava – bicikle, skateboardove, rolere – na plažu morate donijeti krišom. Taj grad – kao i mnoga druga ljetovališta gdje su turisti uvjereni da saobraćajna pravila ne vrijede za vrijeme odmora – ima golemih problema s biciklima i drugim prevoznim sredstvima po šetnjicama i pješačkim zonama tako da je ovaj propis posljedica tih muka i pokušaja da se “uvede civilizacija”, kako je rekao jedan portparol grada.

Zabranjeni intimni odnosi

Divlje zabave na plaži katkada pređu i posljednju granicu reda. U Tossa de Maru u Kataloniji to se događalo previše često tako da je najstrože zabranjen seks na plaži.

Zabranjen sapun

U Benidormu na španskoj obali Costa Blanca zabranjeno je mnogo toga, između ostalog i pranje sapunom ili šamponom u moru. Zabranjeno je i ostati na plaži preko noći, zabranjeno je i igrati tenis ili druge “igre koje smetaju” drugima na plaži, zabranjena je i upotreba kuhinjskog pribora. Tolike zabrane možda nisu posve nepotrebne: u tom gradiću živi tek sedamdesetak hiljada duša, a preko ljeta to postane metropola s milion i po.

Zabranjeno uzimanje kamenja

Može se razumijeti zabrana da neko “kao suvenir” uzme komad nekog arheološkog spomenika, ali u Grčkoj je zabranjeno uzimanje bilo kakvog kamenja u područjima antičkih spomenika. Tačnije – može vam se dogoditi da provedete noć u policijskoj stanici dok se ne nađe neki gradski arheolog koji će procijeniti je li ono što ste stavili u džep arheološki artefakt ili običan kamen.

Zabranjeno stajanje

U Veneciji se turisti brojnim plakatima upozoravaju da ne smiju stati gdje im “dune” i zuriti naokolo: previše je turista u koloni iza njih tako da je zastoj neizbježan. To se događa pogotovo na mostovima, što stanovnike Venecije dovodi do ludila.

Zabranjen “toples”

Ono što će najviše razočarati muški rod jest zabrana sunčanja u toplesu! No i nježniji pol može biti razočaran jer je u Italiji i muškarcima zabranjeno da ogoljeni do pojasa hodaju cestom ili borave u parku.

Zabranjeno jelo

Firenca vodi rat protiv turista koji ne ručaju u gradskim restoranima nego jednostavno kupe namirnice u trgovini i sjednu negdje na stube u središtu grada da bi pojeli ono što imaju. Trenutno su gradske vlasti došle na ideju da oko podneva sva primjerena mjesta poprskaju vodom. U Rimu je na nekim poznatim turističkim mjestima zabranjen i predah: ako neko sjedne – na primjer na Fontanu di Trevi, odmah će biti upozoren zviždukom čuvara. Naravno da je i kupanje zabranjeno – kazna je do 500 eura, ali uvijek ima turista koji ne mogu odoljeti.

Slične Objave

Back to top button
WP Twitter Auto Publish Powered By : XYZScripts.com