Ministar sporta i mladih, Nikola Janović je danas  sa direktorom Uprave javnih radova, Rešadom Nuhodžićem, posjetio u Baru prostor gdje su za  potrebe izgradnje društvene infrastrukture, posječena stabla čempresa koja su krasila ovaj prostor.

,,Kako je Premijer i obećao u februaru ove godine, danas smo ovdje da ovaj prostor obogatimo novim zasadom čempresa i na taj način vratimo dug prirodi i našoj okolini.  Nije to samo ispunjavanje obaveze koju je preuzela Vlada, već je ovakve prostore potrebno čuvati i njegovati za potrebe svih građana Bara, a posebno naše omladine i naših najmlađih“ – istakao je Janović.

“Ministarstvo sporta i mladih zauzeće svoje mjesto i kroz volonterizam i kroz angažovanje sportista i mladih kako bismo upravo njima i svim našim građanima, stvorili životni prostor kakav zaslužuju i sačuvali našu okolinu kao ključni razvojni resurs” zaključio je Janović.