Prvi slučaj koronavirusa potvrđen u Njemačkoj

U Njemačkoj je potvrđen prvi slučaj smrtonosnog koronavirusa, epidemije koja je krajem 2019. izbila u Kini, objavio je Rojters.

Bavarska zdravstvena kancelarija potvrdila je juče kako je tim virusom zaražen jedan stanovnik Štarnberga, mjesta tridesetak kilometara udaljenog od Minhena.

Zaraženi je zasad u dobrom stanju i pod nadzorom je doktora, piše Index.hr.

Nijersu objavljeni detalji o bolesniku – ni njegove godine, kao ni nacionalnost.

Ljudi koji su bili u kontaktu s pacijentom obaviješteni su o mogućim simptomima bolesti, odnosno mjerama koje trebaju preduzeti u slučaju promjene zdravstvenog stanja, objavila je spomenuta bavarska zdravstvena institucija.