SAVJETI ZA ZIMU: Ovo je lijek za ispucale usne
Prije odlaska na spavanje na usne je dobro staviti bogatu kremu, poput seruma za lice, koncentrata za ruke ili jednostavno bogate i masne kreme za lice. Oni će obnoviti usne.
Hladnija razdoblja sa sobom donose i pucanje usana. Suvi vazduh u unutrašnjim prostorijama i hladan spoljašnji pogoduju sušenju nježne kože usana. Zbog toga je sklonija pucanju, ali na to utiču i češće prehlade i virusi zimi.
Dr Barbara Sturm, ima rješenje za sve nas.
– Nanesite serum za lice na usne prije odlaska na spavanje. Oni su bogati ekstraktom biljke tušta koji je odličan za kožu i pomlađivanje, ali ujedno utiče i na povlačenje upale – kaže dr Sturm.
Umjesto seruma, možete nanijeti i drugu vrlo koncentriranu kremu – poput bogatih krema za lice ili ruke ili koncentrata za ruke. Oni su bogati glicerinom i ostalim vrijednim sastojcima za obnavljanje kože pa će vaše usne ujutro biti značajno bolje. Po noći će se hraniti nanesenom kremom i obnavljati, a neće učestvovati ni u kakvim radnjama niti biti izložene spoljnjim uticajima pa je ovaj ritual idealan za noć.
