Mitropolit Joanikije: Bivša vlast nas je označila kao nazadne, ali i tad smo bili najjači
Mitropolit Joanikije služio je jutros liturgiju u Crkvi Svetog Spasa u Herceg Novom, a tokom govora nakon službe prisjetio se litije, rekavši da “i kada smo bili otjerani-bili smo najjači”.
“Od strane bivših vlasti bili smo otjerani van zakona i označeni kao neka nazadna zajednica koja treba da nestane. I tada kada smo bili otjerani, bili smo najjači. Zašto? Zato što se ni na šta nismo mogli osloniti, osim na Hrista Gospoda. Bili smo sa Hristom na Njegovoj Golgoti i On nas je osnažio svojim Časnim krstom i Duhom svojim Svetim nas objedinio” kazao je mitropolit Joanikije.
Vladika je čestitao gradonačelniku Stevanu Katiću na ponovnom izboru, navodeći da je “uvijek imao otvoreno srce”.
“Možemo mu se obratiti i uvijek je bio sa nama, a to je najvažnije”, dodao je mitropolit.
