DETALJI UBISTVA: Na Delibašića pucano iz dva škorpiona   

Na Baranina Vasa Delibašića (45), kojije ubijen 28. juna u Mekedonskom naselju, pucano je iz dva “škorpiona”, potvrđeno je Pobjedi iz više izvora.

Delibašić je ubijen prije šest dana, naočigled brojnih građana, u Makedonskom naselju u Baru, u blizini košarkaških terena. Ubice su u žrtvu ispalile šest hitaca dva u glavu, a četiri u tijelo.

Nakon zločina policija je pronašla zapaljen “Audi” u blizini Poljoprivredne škole. Na vozilu su bile tablice ukradene prije nekoliko mjeseci u Podgorici. Inspektori su tada u zapaljenom vozilu osim dva pištolja pronašli i predmete koje su poslali u Forenzički centar na vještačenje, a mogu pomoći u rasvjetljavanju zločina.

Prošle nedjelje policija je pregledala i snimke sa kamera koje su zabilježile kretanje počinioce ubistva. Inspektori su uzeli izjave od Delibašićevih prijatelja kako bi eventualno došla do traga koji bi im pomogao u istrazi.

Pobjeda