MANDIĆ: DF spreman na maksimalna popuštanja

Lider NOVE Andrija Mandić, nakon sastanka stare parlamentarne većine, kazao je kako je DF spreman na maksimalna popuštanja, kako bi se postigao dogovor o formiranju 44. Vlade. Kolegama iz GP URE je poručio da nema prepreka oko postizanja dogovora. “Nema prepreka za dogovor”, poručio je Mandić.

Mandić je novinarima kazao kako je DF spreman da učešće u vlasti svede na simboličan nivo u odnosu na ono što im je, kako dodaje, narod dao.

Lider Nove je rekao da su odlučili da ulože dodatne napore kako bi se došlo do dogovora, jer, kako kaže, dogovor nema alternativu. On je novinarima u Skupštini kazao kako su se ipak svi dogovorili da mandatar bude Miodrag Lekić.

“Mi smo tražili u razgovorima da dobijemo mnogo manje od onoga što su demokratski principi, ali i iskazali spremnost na maksimalna odstupanja”, kazao je Mandić.

DF je, kako kaže, spreman na maksimalna popuštanja i da učešće u 44. Vladi, svedu na, kako je kazao, simboličnu ravan.

“DF je spreman u popunosti da popusti i priloži ona mjesta koja bi omogućila da se dođe do dogovora”, kazao je Mandić.