Na zelenoj pijaci u Gintašu tešnje prodaju za pet eura
Na zelenoj pijaci u Gintašu trešnje se mogu kupiti za pet eura po kilogramu i to je jedno od najtraženijeg voća ove sedmice. Cijena jagoda je nešto niža nego što je to bilo prethodnih sedmica, pa su se tako mogle naći od dva do pet eura.
Kajsije, breskve i nektarine iz Grčke prodavci su nudili za deset eura po kilogramu, dok je bijelo grožđe prodavano takođe za deset eura. Pipun i dalje drži cijenu, pa je po kilogramu cijenjen četiri eura. Lubenica je nešto jeftinija te kilogram košta dva eura. Za kilogram jabuka neophodno je izdvojiti dva eura, dok su kruške duplo skuplje. Banane se prodaju dva eura, a kutijica od 125 grama borovnica košta pet eura, piše Dan.
Za kilogram krompira neophodno je izdvojiti 1,30 eura. Dvadeset centi skuplji je krastavac, dok je paradajz cijenjen dva eura. U zavisnosti od sorte paprike su prodavane od dva do 2,50 eura, a crni luk 1,50 eura. Bijeli kupus prodavci nude za euro, a tikvice za 50 centi. Za kilogram spanaća potrebno je izdvojiti 3,50 eura, dok se blitva može naći od euro do 1,50 eura.
