Mlada američka studentkinja Mendi Horvat (24) prije tri godine je izgubila obje noge u stravičnoj nesreći. Udario je voz u Stil Sitiju u Kansasu, a da drama bude veća Mendi se samo sjeća da je izašla iz paba kako bi zapalila cigaretu i da se nakon toga probudila u vozilu hitne pomoći bez noge.

Mendi je uvjerena da joj je neko kobne noći ubacio drogu u piće zbog čega je izgubila sjećanje i završila na obližnjoj pruzi, piše Daily Mail.

“Tu noć nijesam puno popila, dva piva i dva žestoka pića. Sjećam se da sam izašla iz paba, osjećala sam se mamurno i nakon toga se više ničega ne sjećam. Doktori mi nijesu radili test na droge, a svi su odmah pomislili da sam pokušala dase ubijem”, priča Mendi.

Iako je proživjela pravi pakao, Mandy nije odustala.

“Provela sam mjesece u bolnici, nekoliko puta su me operisali, ali bila sam odlučna da mi ta tragedija neće uništiti život. Fokusirala sam se na oporavak i da ponovno prohodam”, priča ova hrabra djevojka.

Godinu dana nakon nesreće, dobila je i prve proteze.

“Nosim ih svaki dan i još uvijek polako učim da hodam sa njima”, kaže Mendi koja danas živi u Coloradu.

I dalje je vrlo aktivna i ništa je ne može spriječiti da uživa u životu.

Bavi se boksom i jahanjem i svaki slobodan trenutak provodi vani.

24sata.hr