OTKRIVEN IDENTITET ŽENSKE OSOBE KOJA JE PRONAĐENA U MORAČI: Ronioci izvukli tijelo starice!
Ronioci Regionalnog centra iz Bijele izvukli su danas iz Morače beživotno žensko tijelo Vidosave Burzanović (82), iz Podgorice, saznaje Borba.
Oni su po pozivu došli sinoć, nakon što su mještani kod Vukovačkog mosta primjetili kombi u rijeci.
“Po prijavi građana naši ronioci su danas oko 12 časova kod Vukovačkog mosta iz Morače izvukli tijelo ženske osobe”, kazao je Danilo Mijajlović iz Regionalnog centra Bijela.
Borbi je u policiji potvrđeno da je riječ o Vidosavi Burzanović.
Rekao je da ronioci danas nastavljaju potragu za još jednom osobom koja se vodi kao nestala, a čije su vozilo sinoć izvadili iz Morače u mjestu Vranjina.
Nezvanično radi se o ženskoj osobi čiji je nestanak prijavljen prije tri dana.
(Vijesti)
