Pijan preticao kolonu: Državljanin BiH kažnjen sa 2.000 eura
Budvanski Sud za prekršaje osudio je državljanina Bosne i Hercegovine M. K. (46) na novčanu kaznu od 2.000 eura jer je juče na Jadranskom putu u Budvi u mjestu Vidikovac u nepreglednoj krivini preticao kolonu od 15-ak vozila pod dejstvom alkohola, a pri sebi nije imao vozačku dozvolu.
“Sutkinja Magdalena Mijić je okrivljenom uz kaznu izrekla i zaštitnu mjeru zabrane upravljanja motornim vozilom “B” kategorije u trajanju od četiri mjeseca na teritoriji Crne Gore. Okrivljeni je odmah po izricanju obavezan da plati izrečenu kaznu, a zaštitna mjera je predata na izvršenje Upravi policije”, naveli su iz tog Suda.
