“Planinu ne ostavljamo”: Branitelji poručili da ostaju dok se odluka da Sinanjevina bude vojno vježbalište ne poništi

Branitelji Sinjajevine i jutros su osvanuli na Savinim vodama, gdje od petka čekaju Vojsku Crne Gore, koja je najavila da će od 19. do 23. oktobra na prostoru Margite izvesti vojnu vježbu.

Petnaestak mještana i građanskih aktivista, koji su sinoć bili na straži, do kasno u noć uz oganj su pokušavali da pobijede hladnoću.

Temperatura je dostizala nekoliko stepeni ispod nule, ali kažu, odlučni su da ne mrdnu sa planine koju brane.

Vijest da je vojna vježba otkazana, zatekla ih je u razgovoru i branju čajeva.

Ipak, kažu da planinu neće ostaviti pustu sve dok se odluka o tome da Sinjajevina bude vojno vježbalište ne poništi.

V.M.