POLA GODINE POSLE STRAVIČNOG ZEMLJOTRESA: Gdje je danas beba spašena ispod ruševina u Siriji?

Snimak spašavanja novorođene bebe, djevojčice iz ruševina zgrade u gradu Džindarisu na sjeveru Sirije u februaru, obišla je cio sijvet, a dete se od tada značajno oporavilo i sada je mala Afra jedna srećna, zdrava šestomjesečna djevojčica.

U seriji katastrofalnih zemljotresa koji su devastirali djelove Turske i Sirije početkom februara, srušila se i zgrada u kojoj je živjela majka male Afre, koja se porodila neposredno prije rušenja zgrade i preminula ispod ruševina odmah nakon porođaja, prenosi Bi-Bi-Si.

Kada je beba Afra pronađena u ruševinama zgrade u Džindarisu, njena pupčana vrpca je još bila vezana za majku.

Afru su prihvatili i odgajaju je njena tetka i ujak, zajedno sa još sedmoro djece u Džindarisu, nedaleko od turske granice.

“Još je mala, ali podsjeća me na svog tatu i na svoju majku, moju sestru Navaru. Ima Navarin osmijeh. Često bi provodili vrijeme kod nas, ali sada ih više nema, izgubili su živote u zemljotresu”, kaže Afrin ujak, Kalil al-Savadi, ljuljajući nasmijanu djevojčicu u ljuljaški.

Razorni zemljotres pogodio je 6. februara jugoistočnu Tursku i sjevernu Siriju i odnio više od 44.000 ljudskih života, prenosi Tanjug.

Dramatični snimak spašavanja bebe u Džindarisu je podjeljen na društvenim mrežama i ubrzo je postao viralan, a spašena djevojčica je odvedena u bolnicu gdje su je prozvali Aja, što na arapskom znači čudo.