Prijave protiv četiri osobe zbog nezakonitog ribolova na Skadarskom jezeru
Služba zaštite Nacionalnog parka Skadarsko jezero spriječila je nezakoniti izlov ribe u rejonu Koraćice, a Inspektoru za slatkovodno ribarstvo u proteklih pet dana na dalje postupanje predate su prijave protiv četiri osobe.
Kako su saopštili iz ovog nacionalnog parka, postoje različite vrste nelegalnog izlova ribe i u ovim slučajevima radilo o takozvanom “zagrađivanju mrežama”.
“Aktivnosti na spriječavanju krivolova u NP Skadarsko jezero ne završavaju se prestankom ribolovnog zabrana, a nadzornici su na terenu 24 časa kako bi zaštitili riblji fond i spriječili nezakonite aktivnosti u parku. U njihovim naporima možete im pomoći prijavom nezakonitih radnji koje primijetite u parkovima”, naglašavaju iz NP.
