Raspisan novi konkurs za predsjednika Vrhovnog suda
Sudski savjet donio je danas odluku o raspisivanju novog javnog oglasa za izbor predsjednika Vrhovnog suda, nakon što na jučerašnjoj sjednici nije donijeta odluka da Vesna Vučković bude na toj funkciji.
Podsjećamo, sutkinja Vesna Vučković na jučerašnjoj sjednici Sudskog savjeta nije izabrana za predsjednicu Vrhovnog suda. Za njenu kandidaturu glasalo je troje, a šestoro je bilo protiv.
Vesna Vučković nije izabrana za sutkinju Vrhovnog suda
“Na šesnaestoj sjednici Sudskog savjeta, održanoj elektronskim putem, Savjet je donio odluku o raspisivanju novog javnog oglasa za izbor predsjednika Vrhovnog suda Crne Gore, nakon što na jučerašnjem nastavku XIII sjednice nije donijeta odluka o izboru predsjednika Vrhovnog suda Crne Gore, jer kandidat nije dobio Ustavom propisanu većinu, odnosno 2/3 glasova članova Sudskog savjeta”, naveli su iz Sudskog savjeta.
