STIGLI REZULTATI OBDUKCIJE: Splićanin Matej Periš bio pod dejstvom opijata

Rezultati toksikoloških analiza pokojnog mladića iz Splita Mateja Periša, pokazali su prisustvo toksičnih koncentracija amfetamina u krvi i organima uz prisustvo etil alkohola.

“SAD JE GOTOVO, ODLAZIM KUĆI SA SINOM” Održano opijelo za Mateja Periša, Beograđani se oprostili od mladića iz Splita

Prema riječima stručnjaka, kombinacija alkohola i “spida” može da izazove i paranoju. Upravo ovakvo ponašanje je, ukoliko je suditi po snimcima sa nadzornih kamera, ispoljio Matej pri izlasku iz kluba. On je trčao kao da ga neko progoni, a iza njega nije bilo nikoga. Punih sat vremena je jurio ulicama koje su u blizini Beton hale, a panično je pokušao i da zaustavi taksi.

Inače, u januaru mjesecu, nekoliko dana od nestanka mladića iz Splita, predsjednik Policijskog sindikata Srbije Veljko Mijailović je objelodanio detaljno ponašanje i kretanje Spićanina prije nestanka.

Otkrio je i da su kod grupe mladića iz Splita pronađene nedozvoljene supstance.

“Momci iz Splita su došli u Beograd 30. decembra, a u smještaj na Dorćolu su ušli nešto prije 18 časova. U smještaju su već počeli da konzumiraju alkoholna pića. Oko 21 čas su otišli u restoran “Ambar” gdje su takođe pili alkohol. Nastavili su provod u klubu “Gotik”, a tamo su naručili veliku količinu alkohola”, otkrio je detalje iz istrage Mijailović.

Kako je potvrdio ranija pisanja, mladići jesu konzumirali opijate što je danas i zvanično potvrđeno toksikološkim nalazom.

“Možete misliti kako je to uticalo na njihova tijela – alkohol plus narkotici. Matej je negdje oko 1.40 ustao od stola i naglo izašao napolje. Činjenica je da su njegovi drugovi skoro sat vremena kasnije primijetili da ga nema. Nestanak su prijavili sutradan popodne”, otkriva Mijailović.

Naglašava da je policija od samog starta od njih dobijala rezervisane informacije. Tragovi droge pronađeni su i u rentiranom kombiju sa kojim su momci došli u Beograd, kao i u stanu na Dorćolu u kom su bili smješteni.

Nisu spominjali opijate, jer oni Matejevog oca poznaju i vole, a on čovjek nije znao da mu sin konzumira drogu. Međutim mi smo našli tragove u kombiju u kojem su došli iz Hrvatske, kao i u smještaju u Beogradu. Oni su konzuimirali drogu, najvjerovatnije svih sedmorica. Tu drogu su donijeli sa sobom”, navodi Mijaliović.