TURČINU 30 DANA ZATVORA: Obio stan u Budvi pa napao dvije žene, posjedovao i drogu
Državaljanin Turske A.S. (1987) kažnjen je zatvorom u trajanju od 30 dana, kao i novčanim kaznama u iznosima od 350 i 300 eura zbog provala i posjedovanja droge.
Kaznu je izrekla sudija suda za prekršaje u Budvi Katarina Vujačić Vuksanović.
“Okrivljenom je izrečena zatvorska kazna jer je dana 21. avgusta oko 01,00h provalio u stan koji su koristile oštećene L.J. I L.M., koje su zbog straha preskočile terasu stana i sakrile se na terasu susjednog stana. On im je tom prilikom na engleskom jeziku uputio više uvreda seksističke sadržine. Novčana kazna u iznosu od 350 eura mu je izrečena jer je odmah nakon opisanog događaja u suterenu zgrade fizički napao oštećenog S.N. Konačno mu je zbog posjedovanja psihoaktivnih supstanci – opojne droge marihuana za ličnu upotrebu izrečena novčana kazna u iznosu od 300eura. Kako je u pitanju strani državljanin, novčane kazne su izvršene odmah po pravosnažnosti rješenja, nakon čega je okrivljeni upućen u UIKS na izdržavanje zatvorske kazne”, saopštio je zamjenik predsjednika suda i sudija portparol Marko Đukanović.
