U PIVI NAJMANJE 25 MEDVJEDA: Medvjed Borko pod prismotrom
Kako bi bolje upravljali zaštićenim životinjskim vrstama, Park prirode Piva zajedno sa Centrom za proučavanje ptica, odnosno njegovim sektorom za krupne zvijeri, već tri godine analizira populaciju mrkog medvjeda.
Ustanovili su da u Pivi ima najmanje 25 medvjeda, a da bi se bolje upoznali sa njihovim načinom života, ovaj medvjed star između četiri i pet godina, težak 146 kilograma, 4. oktobra prošle godine dobio je telemetrijsku ogrlicu i počelo je praćenje njegovog kretanja.
Medvjeda starog između četiri i pet godina uhvatili su na području Borja po kome je i dobio ime, a njegovo kretanje slijede putem signala sa ogrlice koja mu je tom prilikom stavljena.
(Vijesti)
