Ronaldo,đe si – tvoj Mesi!

Barselona u gradskom derbiju razbila Espanjol 5:1, uz fenomenalnu igru Lea Mesija koji je postigao het-trik.

Espanjol je odlijevao do poluvremena, ali ih je presjekao gol Lea Mesija u 45. minutu.

Gosti su poveli nakon jedne polukontre, Serhio Garsija je dugo vukao loptu, a onda plasirao iza leđa golmana Brava za 0:1.
 
Potom je Mesi iz slobodnjaka pogodio prečku. Ipak, da se na odmor ode sa neriješenim rezultatom pobrinuo se upravo Mesi. Primio je loptu od Ćavija i sjajnim šutem izjednačio 1:1.

U nastavku rapsodija Barse. Mesi je nakon asistencije Suareza donio vođstvo Barseloni.

Ubrzo nakon toga Pike je nakon kornera, koji je izveo Rakitić, najbolje skočio i poslao loptu iza leđa golmana gostiju za 3:1.

Meč je praktično u tim trenucima bio riješen, ali se Barselona nije zaustavljala. Rezervista Pedro, je primio sjajnu dugu loptu Đordija Albe i sproveo je u mrežu za 4:1.

“Petardu” je kompletirao Leo Mesi nakon kombinacije sa Dani Alvešom. Argentinac je sa nekoliko metara savladao golmana Espanjola.