Hjuston u formi, GS ispustio plus 24
Hjuston je ekipa u formi – “rakete” su ostvarile sedmu uzastopnu pobjedu, a 18. na posljednih 20 mečeva, savladavši Orlando u gostima 100:93.
Džejms Harden nije bio šuterski raspoložen, postigao je svega 14 poena (0-8 za tri), ali su ga odmijenili Rajan Anderson sa 19 (sve u drugom poluvremenu) i Patrik Beverli sa 17 poena.
Nikola Vučević je imao noć za zaborav – devet poena (4-15 iz igre), uz 12 skokova.
Memfis je iznenadio Golden stejt u gostima i to na neobičan način.
“Ratnici” su imali 24 poena prednosti u trećoj četvrtini, a 18 nešto više od sedam minuta prije kraja meča.
Odjednom, sve se promijenilo, igrači Memfisa polako su stizali zaostatak, a Majk Konli je sedam sekundi prije kraja pogodio za produžetak.
U produžecima gosti su samo nastavili tamo gdje su stali u finišu, pogodili prvih pet šuteva i sačuvali prednost.
Konli i Zek Rendolf su ubacili po 27 poena, Mark Gasol četiri manje.
Stef Kari je brojao do 40, Kevin Durent postigao 27, uz 13 skokova.
Klivlend nije imao problema protiv Bruklina – 116:108.
Lebron Džejms je bio najefikasniji sa 36 poena, Kajri Irving je postigao 32.
U poraženom timu najbolji je bio Bojan Bogdanović sa 23.
Rezultati
LA Lejkers – Majami 127:100
Golden stejt – Memfis 119:128 produžeci
Sakramento – LA Klipers 98:106
Milvoki – Njujork 111:116
Boston – Filadelfija 110:106
Bruklin – Klivlend 108:116
Vašington – Minesota 112:105
Orlando – Hjuston 93:100
(Vijesti)
