Poraz Budućnosti na gostovanju Đeru, Mađarice bile ubjedljivo nadmoćnije

Rukometašice Budućnosti pretrpjele su ubjedljiv poraz od Mađarica u gostima 32:19 u 6. kolu Lige šampiona.

Mađarski tim opravdao je ulogu favorita protiv našeg tima i zasluženo slavio.

Đer je od starta meča imao prednost koju je povećavao i stizao do plus plus sedam (8:1). Smanjila je Budućnost na minus četiri, ali je domaća ekipa na poluvremenu imala plus šest, 15:9.

Đer je više nego nadmoćan bio u drugom poluvremenu podižući konstantno prednost koja je u pojedinim momentima iznosila i plus 17.

Tek u samom finišu Budućnost je spustila zaostatak za četiri gola i na kraju je rezultat bio plus 13 u korist domaćina.

Ovo je bio treći poraz Budućnosti, uz dvije pobjede i jedan remi.

Đer ima skor od pet pobjeda i jednog poraza