Suarez het-trikom donio Barsi titulu
Luis Suarez je još jednim het-trikom odveo Barselonu do 24. titule u istoriji – Katalonci su savladali Granadu u gostima 3:0 i tako sačuvali bod prednosti u odnosu na Real, koji je slavio na gostovanju La Korunji 2:0. Ovo je Barsi šesta titula u posljednjih osam sezona.
Čudesni Urugvajac je prvi gol postigao u 22. minutu, kada je umakao čuvarima i iskoristio centaršut Albe sa lijeve strane.
Petnatestak minuta kanije ‘El Pistolero’ je duplirao prednost. Ovoga puta je centrirao Dani Alveš sa desnog krila, a Suarez glavom matirao golmana Granade. Sa tim rezultatom se otišlo na odmor.
U nastavku su prvi zaprijetili domaći. Riko je šutirao, ali je Ter-Štegen odlično odbranio.
“Tačku na “i” stavio je Luis Suarez četiri minuta prije kraja i tako postigao svoj 40. prvenstveni gol.
U isto vrijeme Real Madrid je lako izašao na kraj sa La Korunjom na ‘Riazoru’ 2:0.
Real je posao završio u prvih pola sata, a oba gola postigao je Kristijano Ronaldo i došao do kote od 37 golova u sezoni.
Portugalac je doveo ‘Kraljevski klub’ u vođstvo već u sedmom minutu, na asistenciju Benzeme, da bi u 25. minutu bio najviši u skoku nakon kornera koji je izveo Kros i tako postavio konačnih 2:0.
(Rtcg)
