Svijetla budućnost BUDUĆNOSTI: Pao i MEGA LEKS!
Košarkaši Budućnost Volja pobijedili su Mega Leks u gostima 85:81, u trećem kolu ABA lige.
Niz ekipe Vlada Šćepanovića nastavljen je i u dvorani Pinki. Pad u posljednjoj četvrtini pokvario je savršenu noć plavo-bijelih u Sremskoj Mitrovici. Igrali su plavo-bijeli fenomenalno tri ipo četvrtine imali u dva navrata i po 22 poena viška, a na kraju su ipak dozvolili da domaćin ima šut za minus tri na minut prije kraja.
Sead Šehović je ubacio 22 poena (6/8 za tri) uz to je imao i četiri uspješna dodavanja. 15 poena dodao je Vranješ, 14 Petar Popović koji je pogodio sva četiri šuta za tri poena. Dvocifreni su bili još Savović i Subotić sa po 11 poena.
Na drugoj strani 18 poena Zagorca, 12 je upisao Jaramaz, a jedan manje Mušidi.
(Cdm)
