Najluđi go u istoriji Lige šampiona! (VIDEO)
Jednim od najluđih golova u istoriji Lige šampiona, Zagreb je sinoć pred svojom publikom stigao do važne pobjede i ušao u osminu finala.
Vrijeme na semaforu je isteklo, rezultat je bio 30:30, a domaćin je imao prekršaj na sredini terena. Loptu je uzeo Duško Čelica i uz dosta sreće, uz pomoć bloka, prevario gostujućeg golmana. Hrvatski mediji danas pišu o podvigu ovog igrača i poređuju ga sa onim legendarnog Iztoka Pucakoji je na sličan način Zagrebu 1993. donio drugu titulu prvaka Evrope protiv Valaua.
Trener Veselin Vujović nakon utakmice bio je presretan, ali i realan:
– Čestitam La Riohi na vrlo dobroj utakmici. Mislim da bi neriješen rezultat bio najrealnija opcija, ali mi smo imali sreću sa zadnjim pogotkom Duška Čelice. Čelica me čak pitao može li da puca na gol, ali sam mu rekao da ne priča gluposti i da je deveterac daleko. Stvarno nisam mogao da vjerujem očima kada sam vidio da je lopta ušla. Igrali smo vrlo loše i vidjeli smo da nam u rotaciji nedostaju Tonči Valčić i Sandro Obranović – rekao je Vujović.
On je naveo i kako je njegova ekipa imala previše tehničkih grešaka i da je, u trenucima kada je trebalo da sustigne goste, napravila par grešaka koje su kažnjene.
– Ova utakmica će za nas ostati anegdota, istorija. Najvažnije je da smo se plasirali u osminu finala Lige šampiona – zaključio je on.
(index.hr)
