Vlade Divac se našao na meti kritika u SAD zbog trejda Demarkusa Kazinsa.

Ne zamjera se Divcu samo što je pustio najboljeg igrača, već i to što za njega nije uspio da dobije praktično ništa super vrijedno. Divac kaže da to nije samo njegova greška.

“Gledano iz ove perspektive, vjerovatno ćemo dobiti ‘manje’. Imali smo bolju ponudu prije dva dana, tako kažu agenti. Ne želim da otkrivam detalje, pošto ne mogu da govorim o procesu jer je on bio veoma dug za nas.” – kazao je Divac i dodao:

“Predstoji nam jedan od najjačih draftova u posljednjoj deceniji, a ovaj trejd će nam omogućiti da tim dobije na ‘dubini’, ujedno i da se naš talentovani roster razvija i kreće naprijed. Zahvalni smo Demarkusu na svemu i želimo mu sve najbolje i puno uspjeha u Nju Orleansu. Vjerujem u svoju odluku, vjerujem da moramo da promijenimo ‘kulturu’ tima, a sve to radimo zbog navijača. Vjerujem i da će oni to uvidjeti jer su oni najbolji navijači u ligi, a mi želimo da stvorimo tim koji će ih činiti ponosnima”