Kluni otkrio kako je zaprosio Amal

Džordž Kluni je u emisiji CBS This Morningprogovorio o tome kako je zaprosio Amal, a njegova priča iznenađujuće je…obična.

Naime, bili su kod njega kući, a sa njima je bila i njegova tetka koja je za to vrijeme puštala muziku kako bi “napravila atmosferu”.

“Moram priznati da, prije nego što sam je pitao, uopšte nismo prije pričali o tome. Samo sam joj rekao: “Hej, možda bi trebalo da se vjenčamo”. Doslovno sam joj tako predstavio”, ispričao je glumac, koji kaže da mu “ne pada teško jer je sa ženom koja je pametnija od njega”.

“Onda sam joj rekao: “Znaš da imam 53 godine. Gledaj, na kolenima sam već 28 minuta i moram da dobijem odgovor inače ću ostati bez kuka“, opisao je Kluni trenutak.

Amal je, naime, bila u nevjerici, pa je samo rekla: “O moj Bože!“.

Otkrio je i da su se prije vjenčanja dogovorili da će jedno drugom uvijek biti na prvom mjestu.

“Naš dogovor je da nijedno od nas ne smije da bude odsutno više od nedelju dana. Za sad se tog dogovora jako dobro držimo”, otkrio je glumac i dodao da mu je jako lijepo u braku.

(Stil)