Anđušić: Dok zamajava građane, Vlada povećava naknade
Poslanik Demokratske partije socijalista Mihailo Anđušić kazao je da Vlada koristi priliku da zada nove namete građanima dok je glavna tema kriza unutar parlamentarne većine. Jedan od tih nameta je povećanje godišnjih naknada za korišćenje puteva koje građani plaćaju prilikom registracije vozila.
„Dok je glavna tema kriza unutar parlamentarne većine, valja iskoristiti priliku za neki novi, dobar namet na građane i privredu.Naime, radi se o naknadi koja se plaća jednokratno, prilikom registracije vozila, unaprijed za 12 mjeseci.Iznos uvećanja, u zavisnosti od tipa i kubikaže vozila ići će i do 500%.Tako će recimo za vozilo sa nekom prosječnom snagom do 1.800 kubika naknada sa 6.1€ ići na 16€“, naveo je Anđušić.
Dodaje da će ova naknada za pojedine kategorije teretnih i vučnih vozila za preko 30 tona dostići i 275 eura prilikom registracije.
„Broj ovakvih i sličnih naknada koji Vlada ispod radara pokušava nametnuti građanima i privredi više se ne može ni izbrojati. Sasvim logična je bila najava o novom talasu inflacije koji se sprema krajem ove i početkom naredne godine.Uglavnom, Vlada je povećala plate, pa se može sve, samo da vidimo još koliko“, kazao je Anđušić.
