Slavna glumica doživjela nervni slom
Slavna glumica i nekadašnji seks simbol Heder Loklir, koju pamtimo po ulogama u serijama Dinastija i Melrouz Plejs, tokom praznika je doživjela nervni slom.
Ona se trenutno nalazi na liječenju u elitnoj privatnoj bolnici Klifsajd Malibu, gdje je dovedena u strašnom stanju.
“Bila je potpuno pijana i očigledno pod uticajem ljekova. Nije znala za sebe, vrištala je, plakala i otimala se. Nije mogla ni da hoda sama, pa su je bukvalno unijeli u bolnicu”, rekao je izvor blizak glumici za Radar Online.
Heder je navodno na silu uključena u program detoksikacije, a smještena je u izolovanu kuću sa još dva pacijenta.
Svaki izlazak joj je strogo zabranjen, izuzev kada ide na terapiju ili ljekarsku kontrolu. Glumica je na odvikavanju od ljekova bila još 2008. i nije tajna da se sa zavisnošću bori već više od decenije.
Prije 9 godina je uhapšena zbog vožnje pod dejstvom ljekova, a 2010. godine sestra je pronašla onesviješćenu, pod uticajem alkohola i tableta. Tada je završila i na psihijatriji, a ovo joj je ukupno peta hospitalizacija.
