PICULA: Članstvo Zapadnog Balkana u interesu EU, važna borba protiv korupcije

Izvjestilac Evropskog parlamenta za Zapadni Balkan Tonino Picula aopštio je da je Evropski parlament usvojio izvještaj o Zapadnom Balkanu kojim se poziva na borbu protiv korupcije, promociju pomirenja u regionu kao i na uspostavljanje adekvatnog finansiranja zemlja u procesu pristupnja EU.

“Sjajne vijesti za kraj plenarnog zasjedanja – EP je usvojio moj Izvještaj o preporukama za proširenje na Zapadnom Balkanu s 532 glasa za i 70 protiv. Zahvalan sam na uvjerljivoj podršci kolega tekstu kojeg sam predstavio i politici proširenja uopšte”, napisao je Picula na Tviteru.

Ovim dokumentom naglašava se da je punopravno članstvo zemalja Zapadnog Balkana u interesu i EU i regiona.

Sjajne vijesti za kraj plenarnog zasjedanja – EP je upravo usvojio moje Izvješće o preporukama za proširenje ?? na zap. Balkanu s 532 glasa za i 70 protiv. Zahvalan sam na uvjerljivoj podršci kolega tekstu kojeg sam predstavio i politici proširenja općenito. #feelingmotivated #EU pic.twitter.com/SN5zSkuk9z

— Tonino Picula (@TPicula) June 19, 2020

Izvještaj o Zapadnom Balkanu predstavlja poziciju Evropskog parlamenta kada je riječ o nastavku politike proširenja.

Evropski parlament se zalaže i za pomoć zemljama Zapadnog Balkana u prevazilaženju unutrašnjih političkih polarizacija i bojkota rada parlamenata u regionu.

EP posebno ukazuje na važnost da se osude kampanje, prijetnje i zastrašivanja novinara i medija, da se takva djela istraže i procesiraju, a novinarima obezbijede sigurni uslovi za rad.

“Treba pojačati EU angažman u rješavanju otvorenih bilateralnih pitanja i tražiti od zemalja Zapadnog Balkana da se obavežu na pomirenje i mirno rješavanje dugogodišnjih razmirica”, navodi se u Izvještaju.