Požar u Dalmaciji: Evakuacija stanovništva

Gori gusta borova šuma u dužini od dva kilometra, a uprkos naporima vatrogasaca, vatra se oko tri sata ujutro približila kućama u Trsteniku, koji je gotovo u potpunosti morao biti evakuisan, prenosi hrvatski portal Index.hr.

Vatrena linija proteže se u dužini od preko dva kilometra, a na terenu su sve raspoložive vatrogasne snage.

Teška je situacija i na području Smokvice na Korčuli gdje je požar planuo tokom vikenda, a nakon što je lokalizovan na sjeveroistočnoj strani, juče je ponovo izmakao kontroli vatrogasaca.

Najkritičnije je na području mjesta Brna gdje je vatra dosad progutala više od 500 hektara guste borove šume.

Borova šuma je juče poslijepodne gorjela i u Širokima nedaleko od Primoštena, no nakon dva i po sata borbe, upravo kada je stigla nadomak kuća, vatrogasci su uspjeli da je stave pod kontrolu.

Osim vatrogasaca, na gašenju ovog požara morali su da intervenišu i kanaderi.