PROGNOZA: Čeka nas pakleno ljeto!

Iako se prva trećina godine još nije završila,već sada se može reći kako je bila natprosječno topla. Prema ocjenama klimatologa zima, koja uključuje i decembar 2014. godine, bila je većinom “topla” i “vrlo topla” i uglavnom “kišna”, piše Zoran Vakula, glavni meteorolog HRT-a, a prenosi Jutarnji.hr.

U aprilu je bilo i neoubičajenosti. Iz analize podataka temperature vazduha koja je izmjerena na stanici Zagreb Maksimir, gdje se svakodnevno mjeri od 1949. godine, može se zaključiti kako je u prvih deset dana aprila bilo hladno kao rijetko kada, a u drugom ipak toplo.

Srednja najviša dnevna temperatura vazduha u Hrvatskoj je od 3. do 9. aprila 2015. bila peta najniža za isto razdoblje u istoriji mjerenja. Niža je bila 1970, 2003, 1980. i posebno 2013. godine.

Dugoročne prognoze srednje mjesečne i sezonske temperature i ukupne mjesečne i sezonske količine padavina rijetko kada daju ekstremna meteorološka događanja, barem ne uz veliku vjerovatnost ostvarivanja.

Ekstremi nužno ne moraju da postoje ni kada prognoze daju šest uzastopnih relativno toplih mjeseci, kao što je prognozirano za naredni period od maja do oktobra, pa čak ni kada je odstupanje tako izraženo kao što je za ovogodišnji jul i avgust.

Za ponavljanje prošlogodišnje obilne količine padavina i relativno čestih kišnih dana vjerovatnoća je mala.

(Izvor: Jutarnji.hr)