SAOBRAĆAJNA NEZGODA: Majka i dijete “renoom klio” udarili u bika

Na Jadranskoj magistrali kod aerodroma Tivta sinoć oko 21 sat došlo je do krajnje neuobičajene saobraćajne nesreće – sudara automobila i bika koji je lutao cestom.

Tivćanka Dunja Nikolić koja je upravljala „renoom klio“ (TV AN 420) naletjela je na bika koiji je od siline udarca uginuo. Automobil je pretrpio znatna oštećenja, ali su Nikolićeva i maloljetno dijete koje je sa njom bilo u vozilu srećom prošli bez povreda. Uginulog bika čiji je vlasnik i dalje nepoznat, uklonila je tivatska Komunalna policija.

Problem lutajućih goveda inače, već duži niz godina prisutan je na obližnjem području Gradiošnice i Bogdašića gdje mještani bezuspješno protestuju zbog slobodno puštene stoke neodgovornih farnmera, a koja im upada u bašte i nanosi velike štete imanjima.

(Vijesti)