VUČIĆ: Ako se ovako nastavi Srbija neće imati gdje da smjesti zaražene
Predsjednik Srbije Aleksandar Vučić je rekao da je danas – od popodne do uveče, prema presjecima koje dobija, bio najteži dan u Srbiji, da je najveći broj zaraženih ljudi do sada, “ubjedljivo”.
“Ovo je najveći broj ljudi zaraženih do sada. Mi u ovom trenutku imamo više od 4.800 ljudi u bolnicama, svi naši bolnički kapaciteti su puni”, rekao je on.
Vučić je dodao da će Srbija dati sve od sebe da pokuša da nabavi pola miliona, milion doza vakcina, čime, bi se, kako je rekao, smanjio pritisak na bolnice.
On je u emisiji “Ćirilica” dodao da su svi bolnički kapaciteti puni i ako se takav trend zaraženih nastavi, Srbija neće imati gdje da smjesti zaražene.
