MURINJO: Želim pobjede, želim sve!
Portugalac je od decembra prošle godine bio bez posla, jer je tada dobio otkaz u Čelsiju.
“Ovo je posao koji svako želi da radi, a nemaju mnogi šansu da ga dobiju, a ja jesam. Tu sam gdje želim da budem. Mislim da moram da se dokažem samo sebi. Nisam sposoban da radim bez uspjeha. To mi je u prirodi. Postoje neki menadžeri koji nisu osvojili titulu deset godina. Neki od njih nikad. Ja sam je osvojio prije dvije godine. Ako ja moram da se dokazujem, zamislite tek druge. Tako ja mislim”, rekao je u svom stilu Murinjo.
“Đavoli” su prošle sezone osvojili peto mjesto u Premijer ligi i ostali bez plasmana u elitno evropsko takmičenje.
“Želim pobjedu, želim sve, da igramo dobro, da ne primamo golove, da ostvarujemo dobre rezultate. Želim navijače iza nas. Naravno, nećemo dobiti sve to, ali želimo to”,poručio je Murinjo.
Trofejni stručnjak osvrnuo se i na odlazak Rajana Gigsa sa “Old Traforda” nakon 29 godina.
“Nisam ja kriv, on je želio da bude menadžer Mančester Junajteda. Uprava je odlučila da sam ja pravi čovjek za ovaj posao, a Rajan je poslije toga odlučio da ode. Željeli su da mu ponude bilo koji drugi posao u klubu, nije htio“, zaključio je Murinjo.
