Bandići: Dječaka od 5 godina ujela zmija u kući!
Petogodišnjeg B.B. juče je u porodičnoj kući u Bandićima ujela zmija. Dječak je noće proveo u Dječjoj klinici, život mu nije ugrožen, piše Pobjeda.
Njegov djed Veselin Begović ispričao je Pobjedi da se to desilo juče oko 13 sati.
„Moj unuk je bio u kući sa majkom i igrao se. U jednom momentu otišao je u drugu prostoriju da uzme igračke. Poslije nekoliko minuta njegova majka čula je kako je zove, utrčala je u sobu i vidjela zmiju. Uplašeno je udaljila dječaka i zmiju ubila papučom“, kaže Veselin.
Kako u kući nije bilo više nikog pozvali su prvog komšiju koji je dječaka odveo u bolnicu.
Veselin kaže da je u pitanju poskok i da je bio dug oko 15 santimetara.
Objašnjava kako je sve ovo ispričao da bi skrenuo pažnju drugima da budu oprezni.
