Kilogram jagoda pet eura
Na tezgama u TC “Gintaš” ove nedjelje mogle su se kupiti jagode po nižim cijenama nego što je to bilo ranijih sedmica.
Sada za kilogram ovog voća treba izdvojiti četiri ili pet eura. Kruške su nešto jeftinije i koštaju tri i četiri, dok je kilogram jabuka dva eura. Banane su se mogle kupiti za dva eura, a kivi je duplo skuplji. Pomorandže su nuđene za 2,50, a limun je dva i tri eura. U ponudi imaju i pipun koji po komadu košta šest, dok je lubenica po kilogramu tri eura. Nektarine, breskve i kajsije koštaju deset eura, a trešnje su 30 eura po kilogramu.
Crni luk košta dva eura, dok je mladi duplo skuplji. Cijena krastavca i paradajza je ista i koštaju po tri eura, dok su paprike euro skuplje. Na tezgama može se naći i mladi krompir koji košta 1,50 eura, dok se stari može kupiti za euro. Od zeleniša najtraženija je salata koja je nuđena od 3,50 do četiri eura. Blitva je jeftinija i prodaju je za 2,50, a pori luk je dva eura. Celer košta tri, a kupus 1,20 eura, dok je šargarepa 1,50, a tikvica euro skuplja.
Dan
