Huligani napali Luku Tonija

Luka Toni, legendarni italijanski golgeter, napadnut je danas uoči meča Avelino – Verona, u Seriji B.

Na Tonija i predsjednika Verone Maurisija Setija nasrnuli su navijači Avelina, koji su slomili prozor na Tonijevom automobilu, a Setija pogodili flašom u stomak.

“Oko 15 huligana okružili su automobil, jer su vidjeli šalove Verone. Vjerovatno su mislili da smo navijači Verone. Nije nam bilo svejedno kada su polomili staklo, a Seti je imao sreću da ga je flaša pogodila u stomak, a ne u glavu”, ispričao je Toni.

Navijači su se razbježali kada je došla policija.

Toni (39) je završio karijeru na kraju prošle sezone, upravo kao igrač Verone, nakon što je igrao za Palermo, Fiorentinu, Bajern, Juventus, Romu…

(Vijesti)